Síðastliðin 12 ár hef ég unnið ötullega að forvarnarstarfi í gengum Velferðarráð Reykjavíkur en kannski sérstaklega með störfum mínum hjá Vímulausri æsku og Foreldrahúsi. Þar hef ég sem stjórnarmaður átt þátt í að byggja upp öflugt starf, þar sem unnið er að velferð barna og unglinga, bæði þeirra sem ánetjast hafa vímuefnum eða eiga í ýmsum félagslegum vandamálum. 

Vegna þess þjóðfélagsástands sem við búum við í dag þá eru því miður auknar líkur á að sá hópur sem þarf á þessari þjónustu að halda muni stækka og fleiri heimili verði verr í stakk búin til að takast á við þennan vanda. Því mun ég berjast áfram fyrir því, þrátt fyrir að við verðum að spara á ýmsum sviðum, þá sé þetta málaflokkur sem ekki þoli niðurskurð.

Kæri Reykvíkingur mig langar að biðja um stuðning þinn í 4. sætið í prófkjöri Sjálfstæðismanna næstkomandi laugardag og minni á að reynsla er verðmæt og reynslan kemur ekki síst með starfsaldri og lífaldri og ég hef hvoru tveggja.

Kæri Reykvíkingur mig langar að biðja um stuðning þinn í 4. sætið í prófkjöri Sjálfstæðismanna næstkomandi laugardag og minni á að reynsla er verðmæt og reynslan kemur ekki síst með starfsaldri og lífaldri og ég hef hvoru tveggja.

Í störfum mínum sem formaður ferlinenfndar fatlaðra hef ég lagt áherslu á að bæta aðgengi fatlaðra í Reykjavík og er það ánægjulegt að segja frá að fyrir 6 árum var framkvæmdafé nefndarinnar 25 milljónir en er í dag 50 milljónir. Nefndin er nú að vinna að framkvæmdaáætlun og að  forgangsröðun verkefna í aðgengismálum í skólum, leikskólum og öðrum byggingum borgarinnar.

Íbúi í Bryggjuhverfinu í Reykjavík (Björgun) hafði samband við mig og kvartaði yfir afskiptaleysi Reykjavíkurborgar og lítilli þjónustu til þeirra frá borginni. Ég verð að taka undir með íbúum hverfisins að umhverfið og aðkoma að hverfinu er ömurleg.

Ef litið er í suðvestur er þar illa gróin brekka sem blasir við íbúum með gámum og ýmislegu drasli sem tilheyra iðnaðarhverfinu þar fyrir ofan. Ef litið er í átt að miðbænum blasir þar við athafnarsvæði Björgunar sem ekki er mikið augnaryndi að horfa á.

Undarlegt dæmi um hversu utanveltu þetta hverfi er, að þá þurfa íbúar hverfisins að kjósa í kosningum í Grafarvogi en fá póstinn sinn í gegnum Árbæjarhverfið (110)

Ég er sammála þeirri gagnrýni íbúanna í hverfinu, þetta er ekki umhverfi sem hægt er að sætta sig við. Nú hafa verið stofnuð Íbúasamtök Bryggjuhverfisins sem að þeirra sögn fá lítil svör frá Reykjavíkurborg um aukna þjónustu við hverfið.

Ég er tilbúinn til að hitta íbúasamtökin hvenær sem er og að fara yfir þessi mál. Jafnframt vil ég benda íbúum hverfisins á að nú er gott aðgengi að frambjóðendum Sjálfstæðisflokksins sem eru nú í prófkjörsbaráttu og þar býð ég mig fram í 4.sæti á lista Sjálfstæðisflokksins í Reykjavík.

 

Ég hvet alla til að horfa á viðtal sem var í Kastljósinu nú fyrr í kvöld, þar sem Jóhanna ræðir við Þórólf Þórlindsson prófessor. Þar segir hann að nú verði formenn allra stjórmálaflokka að loka sig inni í herbergi og koma sér saman um að fá til liðs við sig utanaðkomandi aðila og finna sameiginlega lausn á Icesave málinu.

 Ég er sammála Þórólfi að lengra komast stjórnmálamennirnir ekki án utanaðkomandi aðila til að ná sátt í málinu. 

 

 

 

Það er að koma í ljós að ríkistjórnin er að leyna almenningi ýmsum upplýsingum. Er það þess vegna sem Steingrímur vill keyra þetta Icesave mál í gegnum þingið með hraði. Hvers vegna má ekki skoða málið betur ef það eru að koma nýjar upplýsingar sem hugsanlega hafa þýðingu í málinu?

	De Reya svarar Steingrími
Ábyrgðarmaður færslu Tilkynna um óviðeigandi tengingu við frétt